You are here:

Ngā Pahikara

Hōparatia ngā pahikara, me te ako ka pēhea te whakakaha ake āu pukenga pahikara me te noho haumaru i tō pahikara.

Te Mihini tere rawa!

Ko John Britten tētehi o ngā tino toa ki te hanga motopaika, ōtirā, ngā momo mīhini. E ai ki ētehi ko ia tētehi o ngā ‘Kiwi tūturu’ o Aotearoa i roto i tōna mahi. He aha ai? Tirohia, rangahaua.

He mahi rangahau:

Tuatahi, me haere ki tēnei paetukutuku ki te pānui i ngā kōrero mō John Britten. Muri iho i tēnā me kimi whakautu koe mō ngā pātai e whai ake nei;

  • I whānau mai a John Britten ki whea?
  • I muri i tana wehenga i te kura he aha ngā mahi a John i te ao me te pō?
  • I tana haerēre haere i hangaia e John tētehi mīhini kia rere pērā i te manu. He aha te ingoa Pākehā o taua mīhini?
  • Ehara ko te mīhini anake ngā mea i hangaia e John. Tuhia mai ngā mahi kē atu a John. E rua atu anō ana mahi.
  • I te tau 1992 i whakarewatia e John Britten tōna motopaika ki whea?
  • I te kitenga atu o te motopaika Britten i ohorere ngā kamupene motopaika, ehara mō tōna tere, engari mō te aha kē?

 

Me haere koe ki tēnei whārangi hei whakaoti i tō pānuitanga mō John Britten me ngā pātai mō tōna motopaika;

  • Pēwhea te roa e hanga ana a John i tōna motopaika V-1000?
  • He aha tētehi āhuatanga hou i whakaurua e ia ki roto i tōna motopaika? He aha tōna mahi?
  • He aha tētehi atu āhuatanga hou nā John i hanga e rite ana te āhua ki te ‘wishbone’? he aha tōna tikanga?
  • He aha ētehi o ngā whakataetae kua tuatahi, kua tata tuatahi te Britten V-1000?
  • Inahea a John Britten i mate ai?

Word icon. He Pahikara (Word, 96 KB)

Teacher information (Māori)

Te Āhuatanga o te Ākonga:

Ngā Tino Taumata Mātauranga, me ngā Tikanga Māori

  • Ka māia te noho me te tū whakahē i te tū a te Māori.
  • Ka angitu te puta i te mātauranga.

Te Whānuitanga o ngā Tūmomo Pūkenga Waiora

  • Ka whakanui i ētahi atu, tae atu ki ngā tamariki, ki ō rātou ake tipuranga, me ngā kaumatua.

Te Whānuitanga o ngā Kōwhiringa Tūranga Mahi

  • Ka whiwhi ia i ngā pūkenga me ngā mātauranga e uru atu ai ia ki te mahi e hiahiatia ana.

 

Te Reo Māori: Taumata 3

Ngā Āhuatanga o te Ākonga

Kua māia ki te kōrero ki ngā tangata katoa, ki ngā kaiako, ngā hoa, ngā mātua. Ka whakamahi i te reo kia hāngai ki te hunga whakarongo me te kaupapa. Ka whakamahi i te reo hei whakahoki whakaaro. Kua waia haere ki ngā momo tuhinga. Kua mōhio hoki he hua ka puta ki a ia i te tuhituhi.

  ā-Waha ā-Tā ā-Tinana
Āheinga Reo:
Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro.
  1. Ka tautohu, ka tā i ngā tino āhuatanga o ngā momo reo tuhi, reo tā maha.  
Puna Reo:
Ka tipu haere tonu te puna kupu me ōna āhuatanga katoa.
  4. Ka mārama ki ētahi kupu ake o tētahi kaupapa motuhake.  
Rautaki Reo:
Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tana i whakaputa ai , rongo ai.
 

7. Ka whakamahi i ētahi rautaki rangahau.

8. Ka whakamahi mahere hei whakatakoto, hei whakaraupapa i ngā wh akaaro.

 

 

Hangarau: Taumata 3

Ngā Hanga me ngā Pūhanga Manawa

Ka tēmata te hanga ki ngā hanga māmā noa, pērā i te pouaka kawe, ka piki ake ngā hanga uaua, pērā i te pā tuna, i te tāwhiti kiore, i te manu aute. Ka mārama ki te hononga me te pānga i waenganui i ngā wāhanga o te hua, me te tino take o ia wāhanga.

Te Tāhiko me te Hangarau Whakatina

Ko te tahiko te hoahoa, te hanga, me te whakanao i ngā pūnaha hiko me ngā purere tāhiko. Ko te hangarau whakatina te whakahaeretanga o ēnei pūnaha pūrere tāhiko.

Ngā Āhuatanga o te Hangarau

Ka tautohu, ka whakaputa whakaaro e pā ana ki:

  • ngā whakahiatotanga hangarau i roto i ngā wā
  • ngā whakapono me ngā uara
  • ngā tikanga ka whakamahia e te tangata.

Te Whakaharatau Hangarau

Ka whakaraupapatia he mahere hoahoa whaitake.

Ka whiriwhiria ngā kōrero e pā ana ki ngā mātāpono ka whakamahia.

Tērā ko:

  • te taha rerehua
  • te whaikiko
  • te mauroanga
  • te māiatanga
  • ngā tikanga haumaru.

Ka whakamātau, ka aromātai i te hoahoa.

Ka kōwhiritia tētahi huarahi kia tika rawa.